«امامعلی ابراهیم زاده» معاون کمیته امور اضطراری تاجیکستان از آمادگی این کشور برای پذیرش مهاجرین افغانستانی خبر داد.
وی عنوان کرد: تاجیکستان در حال احداث دو انبار بزرگ برای ذخیره تدارکات است تا به مهاجرانی که از افغانستان به تاجیکستان فرار می‌کنند، کمک کند.
ابراهیم زاده ادامه داد: بیشترین مهاجر فراری از افغانستان وارد ولایت «ختلان» و «بدخشان» تاجیکستان می‌شوند.
وی افزود: در زمین آموزش نظامی وزارت دفاع تاجیکستان واقع در نزدیکی مرز با افغانستان در حال حاضر پذیرش و اسکان حدود 100 هزار پناهنده از افغانستان امکان پذیر است.
به گفته این مقام تاجیک، در صورت نیاز تاجیکستان قادر خواهد بود حتی بیشتر از این تعداد پناهندگان افغانستان را نیز بپذیرد.
وی افزود: اکنون دولت تاجیکستان به همراه سازمان های بین المللی در حال بررسی پتانسیل این کشور برای کمک به پناهندگان افغانستان است.
پس از خروج نیروهای آمریکایی از افغانستان و قدرت گرفتن طالبان تعداد زیادی از شهروندان شمال افغانستان و هم مرز با تاجیکستان به این کشور پناهنده شده اند.

source

توسط blogfarsi

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *